Find a car near you
Check our location map or download our app to find the nearest car to where you live or work
Find a car
Read this page in English
How it works
Cynllun Ceir Trydan Cymunedol ar Fenthyg Wedi ei Lawnsio yn Ardal Bro Ffestiniog a Phenrhyndeudraeth!
Mae menter gymdeithasol arloesol Y Dref Werdd, wedi derbyn cyllid gan Lywodraeth Cymru i brynu 2 gerbyd trydan gyda 7 sedd fydd ar gael i’w llogi yng nghymunedau Bro Ffestiniog, Penrhyndeudraeth a phentrefi cyfagos yng Ngwynedd a Gogledd Cymru.Buodd Y Dref Werdd, mewn cydweithrediad hefo Cwmni Bro Ffestiniog, yn llwyddiannus yn sicrhau'r grant. Galluogodd hyn iddyn nhw brynu dau Nissan ENV 200’s. Mi fydd un o’r ceir wedi cael ei leoli ym Mlaenau Ffestiniog, a’r llall wedi ei leoli yn Siop y Garreg, Llanfrothen.Bydd y cynllun yma’n adeiladu ar brosiectau eraill a gychwynnwyd drwy rwydwaith Bro Ffestiniog, rhwydwiath sy’n anelu i hybu addysg gydweithiol a gweithredu yn ein cymunedau, tra ein bod ni’n symud tuag at ddyfodol sy’n fwy cynaliadwy, yn economaidd, amgylcheddol a chymdeithasol.
Y Cynllun
Mae dau bwynt gwefru newydd wedi cael ei osod yn yr ardal; mae un wedi cael ei osod yn Siop y Garreg, Llanfrothen, a’r llall wedi ei osod tu ôl i Siop Antur Stiniog yng nghanol Bro Ffestiniog.Gallai grwpiau a mentrau cymunedol, busnesau, teuluoedd ac unigolion logi’r ceir at unrhyw bwrpas ar sail gyntaf i’r felin!Ydych chi hefo diddordeb i logi un? Efallai dros y penwythnos, y diwrnod neu hyd yn oed dros ychydig o oriau?Cyfle i gael penwythnos cynaliadwy, diwrnodau allan i’r teulu, neu hyd yn oed awr neu ddwy o rannu car i fynd i wneud negesau?Mae'r cynllun hefyd i hyrwyddo trafnidiaeth gynaliadwy a chymunedol a chodi ymwybyddiaeth o’r posib sefydlu cynllun rhannu ceir yn yr ardal.
Y Cerbydau
Mae gan y ddau gar saith sedd ENV 200 le hefyd ar gyfer mynediad i gadeiriau olwyn, sy'n gweithredu fel sedd pan nad yw'n cael ei defnyddio. Mae eu pellter arferol, pan maent wedi eu gwefru yn llawn, yn cyrraedd rhwng 130-150 milltir, sy'n berffaith ar gyfer Gwynedd wledig, (yn dibynnu ar arddulliau ac amodau gyrru). Bydd gadael y cerbyd yn y modd eco yn sicrhau y gellir cyrraedd pellteroedd pellach.
Cysylltwch gyda ni!
Yn ardal Bro Ffestiniog, mi fydd y prosiect yn cael ei redeg gan Y Dref Werdd yn bennaf, gyda chefnogaeth yn dod o Gwmni Bro.
I rywun sy’n dymuno i gael mwy o wybodaeth neu sydd eisiau gwirfoddoli i fod yn yrrwr gwirfoddol, cysylltwch gyda rheolwr prosiect Y Dref Werdd, Gwydion ap Wynn. (gwydion@drefwerdd.cymru )
Mae’r car sy’n cael ei ddefnyddio yn Llanfrothen yn cael ei gadw ger Siop y Garreg, sy’n cael ei gyd-redeg gan dri brawd, Steffan, Finn a Jack. Rhywun sydd eisiau trafod y cynllun yn ehangach, cysylltwch gyda Steffan Smith dros e-bost (ygarreg@gmail.com)
Sign up and get special offers direct from us to your email.
Leave us your details and we will be in touch
